Stúdentar frá MA 1982
Fólkið sem brautskráðist sem stúdentar frá Menntaskólanum á Akureyri 17. júní 1982 er aldeilis sérlega skemmtilegur hópur. Hafi einhver efast sannaðist þetta þegar haldið var upp á 25 ára stúdentsafmælið, 14., 15. og 16. júní 2007. Vegna fjölda áskorana verður þessi síða opin og vonandi virk um ókomna tíð... Hópurinn skoðaði húsnæði skólans undir leiðsögn Jóns Más Héðinssonar skólameistara 15. júní, m.a. var komið við á sal gamla skóla og hópurinn hóf upp raust sína - en þarna fór sú merka samkoma söngsalur fram á síðustu öld, þegar þessi hópur var þarna við nám. Ólafur Pétur Pálsson frá Höllustöðum, sem er lengst til hægri á myndinni, var forsöngvari á þessum "söngsal 2007" og fór síðan á kostum að kvöldi 16. júní þar sem hann flutti hátíðarræðuna á MA-hátíð í íþróttahöllinni. Lengst til vinstri er Kristín Sigursveinsdóttir og á milli þeirra Ólafs Péturs er Arngrímur Þór Gunnhallsson.